يا أبو العز، في واحد جنبك حامل خنجر، يمكن أخوك يمكن ابن عمك، أكيد ما هو غريب، لأنو ماشي بحذاك وإيدو وراك، وأنت مأمن لو وعلى يمينك واحد عم يحكي معك ويحذرك لكن أنت ما عم تسمع لو. يا أبو العز فلوسك قليلة، وأحلامك كثيرة وقلبك طيب، وجابيك يوم ليلو طويل، ونهارو قصير، وقبل ما يجي هاليوم شايفة الفرات عم ينحسر عن جبل من ذهب والناس عم يتقاتلوا، وشايفة القمر عمر ينشق، والشمس عم تطلع من الغرب، وبير كفر سلام عم بجف، والناس عم يبيعوا الغالي بالرخيص ليشتروا نقطة ميّ.‏